CLICK HERE FOR FREE BLOGGER TEMPLATES, LINK BUTTONS AND MORE! »

حبيبي بيحب ..............اعمل ايه (بقلم ماي تشيلد)

لاحظت أن حبيبي واخد باله من نفسه الايام دي
بينام بدري وبيصحي عادى من غير مناهده علي العموم ده طبعا شئ يفرحني.
لكن ما اخبيش عليكوا ...بصراحه كنت مستغربه شويتين.
وفي يوم طلب مني حبيبي 

ساندوتشات بزيادة  علشان ياخدها معاه
انا قلت وماله نفسه مفتوحة ده  انا من زمان باتمني ياكل ويتغذى.


 لكن الغريب انه  ابتدى يطلب اصناف ما بيحبهاش اصلا علي راسها المربي اللي عمره ما  كان بيفكر حتي يدوقها فسألته ايه سر التغيير قالي ...تخيلوا قالى ايه؟؟؟؟؟؟؟؟
ياماما د ا الساندوتش المفضل ليارا
استغربت ,,,, يارا!!!!!!!!!!!!!!

رد المفعوص وقالي  يارا زميلتى  فى المدرسه واللي يارا تحبه انا كمان احبه
 قلتله كده علطول من غير تفكير
قالي انا باحب يارا يبقي لازم احب اللي تحبه


معقولة  يا ناس حبيبي بيحب
استغربت جدا وقلت في سري لسه بدري قوي علي الكلام ده ابني لسه في تانية ابتدائي  ولما يبقي في اعدادي هيعمل ايه
طبعا امتلكني شعور  بالدهشه والفرحة انه ابتدى يكبر وفى نفس الوقت  خوف  من المستقبل .
لكنى فهمته ان يارا زي سلمي اخته  يعنى لازم ياخد باله منها كويس  ذى ما بيخلى باله من أخته علشان زمايل أخته كمان يخلوا بالهم منها .


 خواطرمن نسج خياااااااااااال ماى تشيلد  لكنها من واقع الحياه... والله المستعان

Follow Us